Minggu, 15 Januari 2012

Kumpulan Pantun Gayo Terbaru Ken Bener Meriah Asalku

Kumpulan Pantun Gayo Terbaru - Pantun ini di dedikasikan khusus buat masyarakatan Gayo di Bener Meriah dan Takengon Aceh Tengah. Pantun ini menandakan betapa besar kecintaan saya tehadap masyarakat Gayo di Dataran Tinggi Tanoh Gayo tempat saya lahir, khususnya Desa Jamur Ujung, Kec. Wih Pesam, Kab. Bener Meriah. " Ken Ama Inengku, ken sudere-sudereku ini pantun kesawahen ku kam ken peluah ni denem - Win Mahdi.



Kolak-kolak ulung ni bayur
Ulung ni bayur ijo semelah
Bier jarak semelah ni baur
Ike ara umur mudemu turah
 
Patal terlis i tuhi uren
Aku gere rejen bertudung tetemi
Bier merelis nyawa ari beden
Aku gere rejen ubah janyi
 
Ukir ni tape mampat ni sentong
Unik mudengong munaso madu
Kamang ni tumpit nume gegoyong
Kurawom songong berjunte aku
 
Uluh kawen selenya tangan
Uluh biang penggure e
Bebere kampong bereder bengkuang
Kepies kemang teniro ne
 
Mampat-mampat bunge ni pingen
Kite engon sebelum luntur
Sentan muloi berlepingen
Pingen ringen muet rabul
 
Mampat-mampat tengah mude beden
Gelah ku Tuhen kite bersukur
Ke muloi sesara kase timul ni uwen
Enguk i perinen penanti pintu kubur
 
kesediken olok aku terih
Orop enti waih mukale kin iken
Nge ku betih muteger pedih
Lagu bunge ni bertih meh bersempuren

kolak-kolak lumu keladi
Kin balutni ragi agih-agihe
Cabak-cabak kujema dagi
Nge jep sagi teles parute
 
kedidi atas ni atang
Sesubang atasni sange
Nge roa lo ate gere senang
Gere mera mis mataku nome
 
Isi die nangka si gere mugetah
Kecuali birah urum keladi
Isi die umet si gere musalah
Terkecuali rasul urum nabi 

 Jangutni dagu numeken gaya
Kati nunger jema kite tengku
Dele memang jema mera orom aku
Tapi nggeh sarape kona ku-ateku

Tik kertak kertik
Ulungni pertik mu jejari
Kuneh aku gere kedik
Kourek rom itik nge nonton TV

Anak ni kedih atas ni nangka
Anakni kera atasni kemili
Ike sunguh adik mera
Hondamupeh meraku beli
 

Artikel Terkait

Kumpulan Pantun Gayo Terbaru Ken Bener Meriah Asalku
4/ 5
Oleh

Berlangganan

Suka dengan artikel di atas? Silakan berlangganan gratis via email

Tinggalkan Jejak, Meriahkan Berkomentar secara sopan :-)
Memasukkan link ke dalam komentar adalah SPAM, maka akan dihapus